天水圍栢慧豪園近日至少錄得2宗「無樓睇」單位成交。 （資料圖片）

2012年05月11日 星期五

地產

 

鬧盤荒 用家願無樓睇成交 

撰文:蘭茜
欄名:樓市放大鏡

3、4月份，二手市場吸納不少盤源，加上新補充盤有限，致令市場放盤單位持續減少，特別是交吉可睇樓的單位更為緊絀。

二手市場每逢遇上交投暢旺之時，業主例必心紅，叫價進取，有代理坦言新放盤單位叫價高市價逾1成，甚至屬現時的天價，令到市場鬧盤荒情況加劇，有見及此「無樓睇」的連租約單位也成為搶手貨。不過，今時今日，無樓睇單位再不是投資者專利，皆因用家亦肯購入這類單位。

交吉或連租約 按揭有別
一般而言，無樓睇單位通常是有租客住，故難以安排睇樓，問題在於單位若連租約出售，新買家最高只能造5成按揭，對於銀根所限的買家有一定掣肘。

所以之前這類單位客源以投資者為主，因為投資者銀根上相對充裕，單位最高按5成對他們不會構成影響，投資者購買這類無樓睇單位，只會計數，以及着眼單位有多少水位。

時至今天，用家亦肯購入這類無樓睇連租約單位，關鍵在於單位交吉出售，簡單而言，單位是無樓睇，但是交吉賣，即新買家搵銀行造按揭時，單位可承造逾7成按 揭，大大解決準買家首期不足的情況，正如有一對準買家睇中新界西一個細價屋苑無樓睇單位，價錢亦符合，惟交吉與否成為一大障礙，最後是業主肯交吉賣。

交吉賣和連租約出售，最大分別是按揭最高上限，換言之，準買家要先行了解自己的經濟狀況，免得日後在按揭上遇到任何問題，令自己一肚氣，以及增添不必要的煩惱。

還有一點，購買無樓睇單位有一定風險，如單位內籠有沒有漏水、滲水情況，無疑部分準買家購入單位後打算徹底裝修，因而懶理單位內籠狀況。