增長大倒退至 14.9% 鞋履珠寶當災
自由行褪色 零售跑不動
2012年03月02日
零售鞋鞋聲 減價都唔掂 
麥瑞琼說：「原本以為今年農曆新年喺 1月份，會對零售商有幫助，但睇返個數，無論係銷量及銷貨價值都令人失望……所以我原本估 1月加 2月嘅銷貨價值、可以有 25%至 28%增長嘅預測，要修改一下喇，家我估兩個月加埋應該只有 18%嘅增長。」
統計處昨宣佈， 1月份香港零售業總銷貨價值約 432億元，按年升 14.9%，是自去年 2月最差，更是 2月以來首次增幅低於 20%。扣除價格變動，零售業總銷貨量升 9.1%。彭博綜合 10位分析師數據，平均預測 1月零售業總銷貨價值增長 24%。
對於增長放慢，麥瑞琼認為主因是自由行效應減弱。她說：「其實自去年第 4季起，已經有珠寶零售商同我講銷售額開始回落，特別係一啲中至大額嘅交易少咗好多……我相信今年一啲高檔零售類別嘅商戶壓力較大，特別係一啲過往幾年受惠於自由行而升得較多嘅類別。」
未來增幅料跌至單位數
麥瑞琼表示，按 1月的數據推算，今年有部份月份增幅更會進一步放慢至單位數字。不過，麥瑞琼相信暫時零售業界不會出現結業潮，不排除會有去年較進取的零售商關閉部份分店。
被視為「高危」一族的六福（ 590），其財務總監羅添福表示， 1、
2月整個珠寶零售市道放緩，是意料中事。羅添福說：「前幾年個基數太高喇，點可能年年都升幾十個巴仙呀！家係回復正常。」不過他指最近已見到自由行旅客
人流有改善迹象：「我覺得個氣氛轉好緊，我唔太擔心。」
「生意靠減價迫出來」
對於 1月份鞋履銷售表現欠佳，鞋履零售商利信達（ Le Saunda、
738）執行董事劉舜慧解釋，今年冬天「遲到」的確累及一眾服飾零售商，大家都要勁減價來谷銷售。她說：「我哋 1、
2月香港同店銷售都有雙位數增長，但坦白講，（生意）真係靠減價迫出嚟，已經影響到毛利。最麻煩係大家一開始以為有個百年難得一遇嘅寒冬，點知新年之後先
開始！」劉舜慧指自由行已沒有去年 9、 10月時熾熱，今年會維持審慎策略，不再開新舖，盡量減省成本。
街訪
賴先生
有購買鞋及珠寶手錶習慣，個人平均每月花費 2000至 3000元，但不會在特別節日送禮， 1月新年消費金額與平時相若。
有購買鞋及珠寶手錶習慣，個人平均每月花費 2000至 3000元，但不會在特別節日送禮， 1月新年消費金額與平時相若。
當日相關文章
**************************************************************************************************************
落後大市
零售股今難逃一跌
2012年03月02日
1月份零售數據強差人意，零售股年初至今表現，亦明顯跑輸大市，其中服裝股、金飾股表現最為失色。分析員相信，在缺乏利好因素支持下，零售股今日恐捱沽，投資者不宜寄予厚望。
百麗今年累跌 8%
1月份鞋類、衣物配件銷售按年跌近一
成，期間鞋履服裝股表現遠不及恒指表現。今年迄今，百麗（ 1880）跌 8%，利信達（ 738）則彈 7.5%，遠不過同期恒指
16%回報。另外去年表現突出的金飾股，除周生生（ 116）外，今年全部跑輸大市，去年底掛牌的周大福（ 1929）更倒跌 6.5%。昨日低見
12.86元，創上市以來新低。化妝品股份表現較似樣，莎莎國際（ 178）及卓悅（ 653）年內分別升 14%及 11%。
永豐金融研究部主管涂國彬表示，市場消費與就業及投資信心掛鈎，近期不斷傳出大機構裁員消息，零售股難有炒上藉口。
沒有留言:
張貼留言