街工梁耀忠指新居屋補地價變成定額貸款，不跟隨市場調節，會促進炒風。
房協推長者富貴屋
議員：攞嚟搞
2012年03月15日
【本報訊】房協針對富貴長者推出的雋逸生活計劃，被立法會議員炮轟「冇嘢搵嘢嚟做」，質疑做法與其為低下階層服務的目標背道而馳。而房委會新居屋的定價及補地價安排，則被指為助長居屋炒風。
轟新居屋補價助長炒風
立法會房屋事務委員會昨開會，議員連番指責富貴長者屋是不務正業。地產及建造界議員石禮謙直斥房協「冇嘢搵嘢嚟做，點解唔係起畀租唔起樓嘅人？」社民連梁國雄就指房協應先幫助「貧無立錐之地」的市民解決住屋困難，「人哋有錢，退休關你鬼事！仲要一站式提供服務，房協已經係經營緊第二啲嘢。」
房協行政總裁黃傑龍強調，房協核心業務仍是出租屋邨予低下階層，服務方針無變，只是外國同類計劃受歡迎，故推出小型測試計劃，迎合市民所需。
此外，房委會新居屋的定價與市值脫鈎，按目標市民可負擔水平釐訂，資助額則視為買入單位時的貸款，業主購入五年後補回當時貸款，即可公開出售流入私人市場，貸款額不跟隨市場升值。街工梁耀忠認為，私樓價格只會向上而不會下調，居屋變成商品，刺激市場炒風，
「但我哋唔反對去賣，點解唔將居屋賣畀白表？」
政府回應指新的補價方式有助提高透明度，有助市民明確計算補價，為將來自住或出售單位預早作打算，又認為購買居屋者會以自住為主，不會炒賣。 
留言區聲明 :
沒有留言:
張貼留言