銀基大股東梁國興（左圖）賣股，彤叔接貨，關係微妙惹猜想。設計圖片

彤叔焗接銀基
大股東疑以股代債　股價喪跌

2012年04月13日

 

【本報訊】民企股流血未止！散戶熱炒的銀基（ 886）昨日挫近 8%，四月至今勁插 26%。消息透露，大股東梁國興去年底減持 4.2%，貨源實際落入彤叔鄭裕彤手中。及至今年二月再度減持，可能是梁氏和投行訂立對賭協議被迫減持套現，貨源或落入彤叔及其相關人士。

彤叔硬啃　銀基 886

銀基為五糧液最大經銷商。據了解，彤叔表面上不斷增持銀基，背後可能只是被動接貨。近日銀基大成交急插，或是有股東頻頻沽貨。
 

港 交所資料顯示，梁國興去年 1月至 11月底，合共增持銀基 25次，涉 4200萬股或 3.55%，大股東行動支持，銀基相當硬淨，即使去年中跌穿 6元，很快重上 8元水平。不過及至去年 12月 12日，梁氏在場外突然減持 5000萬股或 4.2%予獨立第三者，當時未有披露賣家身份。及至 12月底，彤叔在場外增持消息曝光，持股增至 5%樓上須披露水平，外界質疑梁氏減持，其實是轉讓予彤叔。
 

消息指，彤叔今次並非真金白銀買貨，梁氏 12月認購周大福（ 1929），有指梁氏篤手指入飛，遂將股份以近乎零折讓轉讓予彤叔，作為入飛周大福的代價。

傳梁國興賣股　入飛周大福

根據中央結算系統持股紀錄，建達資本 持有 2億股或 16.8%銀基紀錄，已於 12月 14日消失，估計是梁氏持有。而早於 12月 9日，市傳梁氏計劃以 5%折讓約 6.72元向外配售最多 2億股，不過最終市場反應欠佳告吹，梁氏惟有直接以股代債，將股權直接轉予彤叔。中央結算資料顯示，今年 1月 3日，周大福珠寶金行持有 4.62%銀基股權，股權大致與梁氏減持相若。
 

減持消息出現，銀基即日重挫超過一成，不過隨住彤叔增持逾 5%曝光後，銀基股價又再炒上。今年初彤叔頻頻在場內增持，而梁氏亦無厘頭在 1月增持 4次合共 191萬股，相信目的是為撐住股價。

「陰啲增持似做騷」

 

 

到了 2月 21日，梁氏在場外竟大手減持 8250萬股或 6.93%，通告指是出售予瑞銀，再由其將股份轉售予其他投資者。消息指出，梁氏可能是與瑞銀訂立的對賭協議，出現相應的減持動作，至於股權是否落入彤叔及其相關人士，則有待驗證。瑞銀為周大福聯席賬簿管理人。
多個持有銀基的基金，已悉數減持至 5%樓下毋須披露水平，包括富達及景順，後者於 2月底減持至 3.91%。
 

梁氏 3月曾三度增持銀基共 278萬股，不過對股價已無甚作用。一名基金經理對銀基已經死心，佢（梁氏）俾我感覺係借彤叔掩護出貨，大手沽完又做騷咁陰啲增持，最慘係可能隨時又大手減持。」
 

銀基本月沽壓極大，每日平均成交股數超過 1000萬股，較 3月激增 2倍。在 A股上市的五糧液，今年股價累升超過一成，銀基卻跌 37%。

當日相關文章

• 下一則：千絲萬縷　周大福跌不停　惹補倉疑雲