恒隆主席陳啟宗（右三）相信梁振英不會推冧樓市。梁鑑章攝
陳啟宗澄清「冇大茶飯」論
「 CY唔會咁蠢搞冧樓市」
2012年04月19日恒隆集團董事長陳啟宗日前發表的「地產商冇大茶飯」言 論出街後，即有分析擔心梁振英上台後可能會出招打壓樓市，陳啟宗昨日澄清：「梗係唔會啦，你估佢傻嘅咩！」他雖不怕梁出招，但稱若自己回港買地是「蠢得交 關」。另一地產商合和實業主席胡應湘指梁接英不會刻意推冧樓市，不過暗批香港土地政策差形成壟斷。記者：黃玉麗、陳新政
CY壓樓價？冇咁戇居 
被問到梁振英（
CY）上台後會否「打殘」地產商，陳啟宗強烈否認，大派定心丸：「唔使咁擔心，有報道話會打壓樓價，係戇居嘅，佢唔會咁蠢㗎嘛，
CY上台，樓價絕對唔會冧。」他認為香港成也地產、敗也地產：「邊個搞冧香港地產都唔會有好結果，係要平穩發展，喺合適時候供應土地。」
諷指回港買地蠢得交關
陳啟宗續稱未有跟梁振英商討樓市：「樓價飛升時應該賣多啲地，下跌時就唔好賣地。」被問到怎樣推多些土地但樓市不會冧，他說：「新加坡做咗幾十年，點解人哋做到我哋做唔到？香港過往呢方面做得唔好。」
陳啟宗屬親梁派，近年轉移業務重心至內地，被問到梁上台後，會否回港大力發展房地產，他諷指在香港發展房地產很愚蠢，但否認自己眼光獨到：「好多人喺八十年
代末、九十年代初已經返內地發展，內地風險低、回報吸引。有人話梁生上台我咪可以回朝返嚟香港，有冇搞錯呀？我有冇蠢得咁交關呀？已經 11、
12年冇喺香港買過地，亦冇諗住短期內買地。」
陳啟宗補充：「恒隆買地係個市冧到冇人要先會買，我睇唔到樓市會冧，唔認為香港個市咁差。」恒隆上次於香港買地已是 2000年的事，當時樓市環境惡劣。至於是否暗示現時仍不是買樓時機，他笑稱：「我唔敢教香港市民做，佢哋唔使我畀意見。」
胡應湘轟政策造成壟斷
另一邊廂，胡應湘表示，梁振英上台後不會刻意推冧樓市，以免要收拾樓市暴跌的殘局。他認為即使政府大量增加土地供應及推行 3.5萬公屋的政策，只要土地價格合適，地產商亦有錢賺。
胡應湘批評，香港土地政策差，土地供應缺乏形成壟斷，「回歸前怕英國佬賣晒香港啲地，咪限制唔超過 50公頃，但係回歸咁多年都冇多過
50公頃，樓價咪貴囉！」他承認香港居住環境較競爭對手新加坡差，「就算連內地都比唔上，香港住屋水平好落後」。對於陳啟宗指地產商未來「冇得再食大茶
飯」，胡應湘沒正面回應，不過他認為如果地產商要靠壟斷樓市來「食大茶飯」，政府增加土地供應就可杜絕這種情況。他又指梁當選後未和他會面，「我唔會主動
約人傾」。 
沒有留言:
張貼留言