醒目買家無謂接火棒

老樓向他們解釋，不是沒有樓睇，可能是業主挑選「真心」買家，所以無支票根本無樓睇。若果你們給市價以上的誠意價一定有樓睇。既然業主可以揀客，買家亦可以揀盤睇，一張不過數的支票換來一次睇樓，當然最後買不買那時才決定。不過老樓認為家樓市瘋狂，連凶宅和公屋價都搶火，醒目者應該避開一下，無謂同業主癲。

雖然目前樓價再升破去年高位，但並不代表可以維持下去，當天價一破再破，換句話說是見頂越來越近，作為一位醒目買家，無理由承接下一個高價。

睇番最近兩個星期，一度走勢凌厲的細價樓突然間慢了下來，已反映樓價開始脫離上車客的能力，縱使有銀行仍然以低息搶按揭客，但缺乏充足首期的上車客就越多，當交投放緩後便開始現整固，只是遲早之事，若然今天接火棒的話，轉攻為守時問自己有沒有支持力。

今年樓市非常波動，二手全賴用家支持，當用家脫離負擔能力時樓市便會自然調整，當樓價稍為整固後便見用家忍不住出手，起落周期相當急促，除非是急用或閒錢買，否則樓價挫、狼來了的時候便容易中招。

第二季似乎危高於機，換屆在即房策未明，不排除用家對入市興趣轉趨審慎下來，何況多個大型新盤啟動未果，外圍似明實暗，壞消息並未完全消除，這一個月的樓市表現不可作為參考。向來資金主導樓市，不過過去兩年政策變化太多，難以判斷好壞，故此下注之前必須問吓自己「有需要嗎？」

劉兆昌
資深地產傳媒人

Your's Dream House Consultant - HK Lux, KLN Lux. & Property Investments Blog 香港豪宅地產藏經閣