李姿霆不認為鄧劍群好有錢，李嘉誠及劉鑾雄才是。謝榮耀攝

「李嘉誠劉鑾雄就真係好 rich」
三奶指鞋王不算有錢人

2012年04月19日

Karen：我有同黃長發上床　吹咩！

【本報訊】遭「鞋王」鄧劍群追討物業的前三奶李姿霆，昨在高院作供進行反擊，形容鄧是個非特別成功亦非好有錢的雙非人，在她眼中「李嘉誠、劉鑾雄嗰啲就真係好 rich」。另邊廂，鄧繼續公開數臭舊情人，講明李雖替他生女亦不會獲送樓慶祝，有骨說話令李淚灑法庭。
 

洋名 Karen的李姿霆（ 41歲），於 2002年跟年齡相差 27載的鄧劍群發展忘年戀。當年一名任職保險的朋友介紹她認識鄧。「我 3月識佢， 4月已覺得佢追緊我，我哋 5月開始，我做佢女朋友， 5月中左右有親密關係」。
 

李成為鄧的女友後，每月獲得生活費，金額按年遞增；相戀數月後，更獲贈兩卡鑽戒連一對逾兩卡的鑽石耳環。李坦言自 2000年由法國返港至認識鄧之前，一直沒有工作，在鄧鼓勵下修讀有關寶石的 GIA文憑課程。隨後，她往珠寶公司應徵珠寶鑑證師，但因沒相關工作經驗，公司提議她到門市做銷售員，但她拒絕。李將事件告訴鄧，鄧回應：「你唔需要做 嘢，你係我女人，（我）會照顧你所有需要，你唔需要去搵工。」李出於尊重鄧，自此沒有再求職。

鞋王：畀樓揸手唔代表送

鄧劍群明言不會留下看三奶「表演」，稱「佢要有眼淚有眼淚，仲會暈㖭」。

 

 

按李的書面供詞，鄧於 03年初首次提及打算買物業給李做業主，「等你有啲嘢揸手，同埋用嚟收租」。李在庭上補充，鄧購入大角嘴港灣豪庭一單位後，「同我屋企人講送層樓畀我」。鄧支付訂金及首期，她感到好開心，認為物業屬於她，單位出租後所得租金，用作歸還按揭。
 

鄧的代表大律師質疑，鄧於講話中沒有使用「送」字，「揸手」一詞可意指「有東西在手中」。李反駁：「唔可能用手揸住層樓，中文嘅意思係送畀我，佢另外同我屋企人講係送畀我。」
 

鄧曾經供稱，買入港灣豪庭只屬熱身，隨後陸續有來，但一段時間過後，鄧、李才聯名購入西貢匡湖居獨立屋。大律師問李，會否對這等待期感到驚訝。李答：「唔覺得驚訝，買樓唔係求其食餐飯，我又唔係等住佢送樓畀我，佢想送咪送囉。」
此外，大律師指李於 02年底向鄧表示懷孕，但按醫生紀錄，李至 03年 3月才發現沒有來經。李強調肚皮不可能騙人，加上「我冇理由呃到佢三個幾月，我要同佢上床」，反指鄧「想抹黑我，話我講大話呃佢」。
 

相反，李姿霆記得 2002年尾一天，如常跟鄧劍群到酒樓午膳時，「我見到隔離枱 BB好得意，我望住佢，原告（鄧）問我『你好鍾意細路』，我話『係，我好鍾意』，佢話『你咁鍾意，我哋可以生一個，最緊要我有錢』」。
案件編號： HCA920/09

當日相關文章

• 下一則：鞋王死心　三奶認與黃長發上床

************************************************************************************************************

鞋王死心
三奶認與黃長發上床

2012年04月19日

• (10人)
• 瀏覽人次：68,100

• Facebook
• Twitter
• 轉寄朋友

鞋王鄧劍群昨在庭上主動提及三奶李姿霆搭上港男黃長發，指李為了掩飾自己偷食而講大 話，但在紙包不住火下招認：「我係有同黃長發上床，吹咩！」終令他死心。他強調打官司非為爭啖氣，亦不是要報復令舊愛尷尬，「你冇辦法擰返轉頭，我仲要面 對老婆，報復啲咩？...我要攞番應得嘅！」
 

按呈堂文件記錄，鄧、李暗交七年間，相戀時常以電話短訊傳情，互稱老婆、老公。 08年 9月，鄧給李的短訊中寫上「肯定愛你更甚於他人，你是最好的」。鄧昨補充：「呢個係不可置疑，我要求女人同我一齊，要畀足我。」
 

轉個頭他開始狂數李：「佢話唔飲酒、唔食煙、唔去夜街，但夜晚 11點走去蘭桂坊，掟低嗰

女走咗去，佢同埋話好憎男人。」他提到李搭上黃長發，「佢（李）一路以嚟同我講，同黃長發只係朋友，冇上過床」。有次李跟黃由晚 上 11時至翌日早上 6時，共處一間酒店房間，但李聲稱兩人純粹傾偈。

「今日 fall in love聽日 bye bye」

鄧自言：「我對佢（李）嘅感情係真嘅，佢所有講嘅嘢係大話。」鄧為挽救感情，應李父要求下，去信無綫電視高層樂易玲，提及李有三個物業，擔心被人欺騙，鄧更跟李父親身送信到樂的住所。
 

「佢 （李）出面有好多男人，佢老竇都有同傳媒講……我真係好愛佢，但佢一直暪住我」。鄧續稱由始至終，對這段情有戒心，「但我畀愛情，畀忘年戀令我方向唔係好 清晰」，「大家冇一紙婚書，今日 fall in love， make love，聽日 say bye bye，呢個係我 worry嘅 feeling」。
 

對於涉案的四個物業，鄧重申「冇話過送畀佢」，亦不會為慶祝女兒誕生而送樓，「點解生咗女要畀物業佢，唔成理由去慶祝，我唔會做囉！」《蘋果》記者

當日相關文章

• 上一則：「李嘉誠劉鑾雄就真係好 rich」　三奶指鞋王不算有錢人
• 下一則：口花鞋王　調戲女記者「你要做第幾奶都得」