經紀 Philip（右）上門追佣金時，被余以交法庭處理為由打發。
督察撻朵買樓唔畀佣
經紀上門追 6.5萬 事件交投訴課處理
2012年04月30日記者：陳偉雄、龍宇 畧
高級督察撻朵 買樓唔畀佣 
在西貢任職地產代理的
Philip，主要代理新舊村屋樓盤。前年 10月，一對姓余夫婦到來表示希望購買村屋單位自住。他們看了數個樓盤都不滿意，其後
Philip帶兩人看南圍村一個地下連一樓的複式單位，兩人一睇即合，議價後決定以每層 325萬元購入，合共
650萬元，雙方隨即簽署臨時買賣合約，清楚列明買家需支付合共 65,000元佣金。
反指銷售手法不當
但余一直拖欠佣金， Philip指他更多次強調自己是警察，似是向人「示威」。其後
Philip致電提醒余，買賣合約中列明需要繳付佣金，但余反說他門銷售手法不當，要求減佣金，「佢話驚單位內一條旋轉樓梯有問題，就話我誤導，但佢睇樓
時已見到，加上業主之後搵測量師檢查過證實結構安全，佢分明撒賴。」 Philip表示拒絕減佣金後，余又多次強調自己是警察，隨即收線。
前年 11月底驗收樓宇時，有人更發爛渣說會向地產代理監管局投訴，「你知唔知道我係做警察，即係差人，差人嚟㗎！」之後雙方各自離開。
去年 2月， Philip到余的住所追數，但余竟然報警，指 Philip擅闖他的住所，軍裝警員到場調停後， Philip再次空手而回，「就算特首買樓都要畀佣啦，差人唔係惡晒㗎，我於是向監警會同投訴警察課投訴囉，但未有答覆。」
事後轉軚：唔係唔畀
由於佣金一直被拖， Philip也需向公司交代。本月 21日，
Philip再到余的住所追數，這次 Philip學精了，只站在住所門外，可能
Philip已向投訴警察課投訴，余改口說：「我唔係唔畀，但唔係家，唔係你份約話畀幾多就幾多。等法庭判囉，法庭判幾多我就畀幾多。」余又說不滿
Philip的銷售手法，又否認恃着是警察而「走數」。
日前記者找余對質，他慌忙地說：「件事交咗畀律師處理，唔方便講。」說罷連抱着女兒的妻子也不理，自己快步走入屋內，兩人都沒有回答記者提問。
警方發言人表示，投訴警察課正跟進調查，現階段不便作評論，並說警方非常重視警務人員的行為操守，如有人員違規，定必嚴肅處理。 
當日相關文章
*************************************************************************************************************
警方回應
督協：嚴重會革職
2012年04月30日
余富強被指向追討佣金的地產代理「撻朵」，警務督察協會主席曾昭科表示，若有人向市民強調自己是警察身份，目的是企圖令別人「買佢怕」，這種做法十分不智，「家唔係 60年代，好少會有警察利用職權攞着數。」
處分視乎嚴重性
曾又說，市民對警察的操守要求特別高，即使事件不涉及刑事成份，警員本身也要嚴格遵守，「如果地產代理真係幫個警員完成買賣手續，佢一定要根據合約畀佣金；就算佢有不滿，都應該循正常途徑，向地產代理監管局投訴，而唔係拖。」
至於肇事警員有甚麼處分，曾說要視乎嚴重性，若警方內部查明有警員行為不當，一般只作
出警告，「但都要睇投訴警察課嘅調查，以前都有好多投訴，表面睇好輕微，但調查後發現好多不為人知嘅事，最嚴重或會被革職。」
《蘋果》記者
《蘋果》記者
沒有留言:
張貼留言