李小姐對葉煒祺的半夜索吻短訊，感到非常煩擾。 黃冠華攝
SMS索吻 跟蹤 求婚 攬腰……
女下屬拒愛富家子炒人
2012年04月30日
索吻又求婚 OL拒愛有錢仔炒人 
被李小姐投訴的葉煒祺，現年
30歲，舅公是身兼新鴻基地產和恒基兆業非執行董事及胡關李羅律師行創辦人胡寶星。李小姐指葉到公司上任前，曾到公司一趟，當晚已收到他的電話短訊查問工
作情況，她最初以為是客人給了葉咭片。但其後短訊驟變露骨。從李小姐儲存的電話短訊紀錄顯示，葉於 2月 24日凌晨 1時 16分至 2時
52分向她發放九個短訊，有六個寫「 Gd nite. Take care.C u. Kiss. How r u?」、「 Kiss
me」等向她索吻，令李小姐震驚：「我驚㗎，唔知佢係唔係黐線。」
女事主：唔夠膽一個放工
李小姐自此幾乎每晚凌晨也收到葉煒祺發放三至五個半夜「 kiss
me」索吻短訊。礙於葉將是上司，老闆又曾向公司所有員工表明葉的父母是公司大客，讓她直覺葉是公司貴賓，不容得失，故惟有啞忍，「我唔回覆佢，佢會
send唔停...我覆過佢『 why need kiss u』、『早 D瞓』，驚俾錯覺佢，又唔知佢精神有冇問題」。
飽受騷擾的李小姐曾向老
闆反映不滿，不獲受理之餘，老闆還透過秘書叫她「
mark」實這名有錢仔，又着她接受葉煒祺的晚飯約會。李為保飯碗「奉命」應約，葉當晚要求與她合照時更乘機捉着玉手抽水數秒。李為免給葉錯覺，約會後即
向他發放「唔會隨便 like U」的拒愛短訊。
但葉煒祺並無因此收斂，繼續每晚短訊炮轟陳小姐。 3月
7日葉正式上班，出任公司市場部董事，只是室內設計助理的李小姐，在公司不時被他借故攀談。某晚放工更發現被葉煒祺鬼祟跟蹤，「我唔夠膽一個人放工，喺公
司完全唔可以集中精神做嘢，覺得佢成日望我，佢又趁公司冇人時候追問我點解昨晚唔覆佢短訊，真係好煩」。
辯稱半夜短訊屬「玩玩吓」
葉的求愛短訊漸漸由索吻升級向她求
婚，令只有
21歲的李小姐不安，再向老闆求助，卻換來冷漠對待。早前李在公司不慎碰撞椅腳，葉即快速上前攬腰，令李感覺被非禮：「佢非禮我，我大聲喝佢行開，之後我
對佢黑面。」上周她突然被公司解僱，她向同事打探，得知可能與葉曾向老闆反映不滿有關。李遂報警並向平機會投訴。
記者向葉煒祺對質，他否認李被炒
是因他求愛不遂，又強辯半夜狂發放 kiss me短訊，只是與李「玩玩吓」：「我成日周圍打
message俾人，只係同佢食過一次飯，飲過一次嘢，對佢冇做任何古靈精怪行為，可能係一個誤會。」李小姐的老闆強調解僱她是基於工作表現及公司重組，
又維護葉煒祺說：「係個妹自作多情，你有冇見過佢呀？自己咩樣知唔知，得 4呎 8（高度）。」 
當日相關文章
************************************************************************************************************
直擊二世祖
子媾女惹禍 父：佢咁做黐黐哋
2012年04月30日
出身名門的葉煒祺追女追出禍。經營紙業的葉父直認兒子「唔聽話」，父子雖然同住，但表示兒子甚少向他透露工作情況及私生活，坦言不清楚兒子向女下屬狂發半夜索吻的短訊，「佢真係咁做？咁黐黐哋， maybe佢好鍾意個女仔……都唔應該用呢種手段」。
擔任董事月薪 8800
葉父表示，對李小姐被解僱感到「唔安
樂」，「 I am sorry to hear
that，我會警告個仔」。當他聽到記者轉述其子性騷擾短訊內容後，即面色轉沉，垂頭扁嘴，長嘆一聲說：「佢 30歲，
mentality好似細路仔，成日好似玩。」記者告訴他李小姐已報警，葉父即緊張追問會否犯性騷擾罪，又無奈說：「 nothing I can
do，佢做咗咩嘢，佢自己要負責。」
李小姐任職的公司代理法國、意大利等名牌浴缸與浴室潔具，顧客包括李嘉誠及蔡志明等城中富豪，每宗潔具定單生意可達 90多萬元，全公司只有五名員工。
李表示，葉的職銜雖然是市場部董事，但月薪只有 8,800元，是全公司最低。每日他下午 3時返工，如果老闆不在，約 5時已離開。
記者日前到該公司查看，發現葉坐於陳列廳梳化，大聲與友人說電話：「阿拉斯加嘅 cruise……你要睇北極光……。」
《蘋果》記者
《蘋果》記者
沒有留言:
張貼留言