80後醫師田皓瑤（左）、李俊（左二）和楊恩莉萊（右），響應彭俊生發起的義診，幫助深水埗基層居民。陳耀強攝

體恤「三無」病者　有錢開飯無錢睇病
80後中醫團義診 3000人

2012年04月30日

 

【本報訊】「向窮人贈醫施藥係醫生嘅使命！」三名 80後中醫師，甫畢業便身體力行，兩年來風雨不改為深水埗區低下階層提供義診，已免費為逾 3,000名貧苦大眾解取病痛苦楚。政府幫不上，民間惟有自救！記者：梁御和

義診的對象為無公屋、無綜援、無醫療津貼的「三無」人士，逢星期二上午及星期四晚上在深水埗社區組織協會舉行，求診者中不乏居住區內的職業司機、運輸工人及清潔女工。
 

提供義診的 80後醫師李俊表示，求診者多患上手腳腰頸痛症，「勞動階層嘅身體過度勞損，遇上痛症除咗要承受生理痛楚；又因經濟困難，唔想花錢求醫，有好大心理壓力， 引發失眠同抑鬱」。在浸大畢業數年的醫師楊恩莉萊感到義診十分有意義，「佢哋自食其力，冇政府醫療資助，搵到嘅錢只夠食住，有病唔捨得睇醫生」。

「睇症夠耐性　做埋輔導」

楊恩莉萊為頸痛病人推拿。

 

 

此服務由正方中醫診療所的彭俊生醫師發起，他出生貧苦家庭，太太為社工，深深體會到低下階層「即使有錢開飯，也無錢睇醫生」之苦，與診療所旗下三名 80後醫師合作提供義診。「我哋出人（醫師），社協安排合資格嘅三無病人嚟睇醫生，再靠善長贊助藥費」。
 

被腳患折磨數年的清潔女工張女士為治病花光積蓄，「每星期上嚟做一次針灸推拿，家好咗好多；出去睇私家計埋要成幾千蚊，真係負擔唔到」。帶 12歲兒子看皮膚敏感的羅太大讚醫師看症夠耐性，「出面啲醫生好多都係睇一睇就打發你走，呢度啲醫師問得好詳細」。醫師田皓瑤說，義診時會多花點時間了解 病人病歷及背景：「除咗睇病，有時仲做埋心理輔導。」
 

社區組織協會幹事吳衛東表示，兩年前初推出義診反應熱烈，令資金一度緊張，幸得善長捐助才能 支持下去。不過，現存資金只夠維持到明年，「咁大嘅需求反映醫療福利制度有盲點，政府一直都唔正視低收入人士嘅需要，惟有靠社福團體自發服務補足，資金就 靠善心人捐助」。社協熱線： 2713 9165。