2012年2月29日 星期三

阿蘇勁撐葉劉　肥媽效忠狼英 唐營娛圈粉絲大逃亡


隨着中央開始挺梁振英，唐英年當選的行情急轉直下，曾出力推唐唐入閘選特首的圈中人不少已萌跳車轉軚念頭。
設計圖片及對白
12345678910

阿蘇勁撐葉劉　肥媽效忠狼英
唐營娛圈粉絲大逃亡

2012年02月29日
小圈子特首選舉將於 3月 25日舉行，早前以挺唐英年為榮的演藝圈選委，隨着北京近日有傳口風有變、梁振英呼聲漸高，跟紅頂白的演藝界粉絲（ Fans）亦紛紛棄豬投狼。當中肥媽瑪利亞早具「慧眼」，是圈中少數的梁營支持者，蘇施黃則寧選今日才知可否入閘的葉劉淑儀，鍾情她的幽默有港英遺風。

肥媽撐狼醒　唐營 fans跳車勁

上年報名參加選委選舉時，以影圈大亨林 建岳為首的演藝人都高調表示支持被稱為豬的唐英年參選特首，更身體力行帶同旗下藝人黎明等撐場，當日一班電影公司老闆、戲院商及譚詠麟等更一字排開合照以 示挺唐決心，就算唐英年受連番醜聞打擊，他們亦義無反顧，推選他入閘為特首候選人。
 

早在葉劉參選立法會之時，阿蘇就已經挺身支持她，葉劉是否夠票入閘今日就有分曉。
早在葉劉參選立法會之時，阿蘇就已經挺身支持她，葉劉是否夠票入閘今日就有分曉。
12345678910 

肥媽作為梁振英支持者，早前曾請他上節目一起煮餸，讓他展現狼也有住家好男人的一面。　資料圖片
肥媽作為梁振英支持者，早前曾請他上節目一起煮餸，讓他展現狼也有住家好男人的一面。　資料圖片
12345678910

娛圈巨擘現離心


當日演藝界一字排開為唐英年造勢，但觀乎唐唐近日的表現，連譚詠麟對唐唐也失望，還寸他弱智。
當日演藝界一字排開為唐英年造勢，但觀乎唐唐近日的表現，連譚詠麟對唐唐也失望，還寸他弱智。
12345678910

不過到近日戰情有變，近期不少人陸續收到消息指中央越來越傾向挺梁振英，以跟紅頂白見稱的娛 樂圈人士紛紛大逃亡，雖然他們未至於即時轉軚，但已見離心，當中包括多位有份提名唐英年選特首的選委，如美亞公司老闆李國興昨日接受電話訪問時，明顯對挺 唐已有所保留，他說：「近期發生咗咁多事，我諗要先睇民意同政綱再作決定，我都要對市民負責，唔可以選個冇能力嘅人做特首，呢個人最緊要係可以繼續保持香 港繁榮。」
同屬美亞的董事唐慶枝雖然有份提名唐英年，但對再投票給他則有所保留，他說：「最終要睇吓民意，不可能與民為敵，家有兩位特首候選人 都出現誠信危機，所以都幾難投票，但我又唔想投白票，真係難揀！」另一位唐營支持者寰宇電影公司老闆林小明，自言自從唐唐發生僭建風波和連串緋聞後，自己 的一票未必會繼續投給唐英年，他說：「我唔會逆民意去投票！仲要時間去分析，家問我會投畀邊個，係言之過早，等我再睇吓事態發展先。」而戲院商會會長陳 榮美就在電話中回覆說：「未決定，總之一切都未決定。」

肥媽挺梁解民困


黃秋生獨具慧眼，本周一便現身撐梁振英出書。
黃秋生獨具慧眼，本周一便現身撐梁振英出書。
12345678910

有人歡喜有人愁，瑪利亞是圈中少有挺狼的梁振英支持者，她昨日接受電話訪問說：「唓，絕對唔 信有中央欽點，有欽點就唔使咁立立亂。」肥媽表示支持梁振英是因為他的政綱跟自己理念相似：「雖然我都有樓，但我好支持梁生起居屋、建公屋，同梁生傾偈， 佢講得出以前香港人搵唔到工，或湊住一家大細返唔到工，可以穿膠花，或者喺街邊檔賣腸粉，養活一家幾口，講番至知原來以前我哋幫同一間塑膠花廠穿塑膠花。 但家大型連鎖店獨霸生意，想開間舖仔維生根本冇可能，連腸粉便利店都賣埋，梁振英好清楚民間疾苦同需求，如果有一票在手，好希望可以幫香港人選一個可以 令香港和諧，人人有屋住、有飯食、有工做嘅特首。」
對於撐唐營的選票紛紛轉軚，肥媽則覺得：「唐生點樣對老婆、僭建關我乜事？家唔係選貞節牌坊，只係選可以為香港人謀福利，令到香港經濟好、環境好，人人有飯食，有屋住、有工作嘅香港特首。」

阿蘇嘲豬懶又蠢

此外，早前在專欄中大鬧豬唐蠢的蘇施 黃，自言就算有票在手都不會在唐梁之間作選擇，反而會選要到今日才知是否夠選委票成為候選人的葉劉淑儀，她昨日在電話中說：「兩個都唔投得唔得呀？投董伯 伯（董建華）得唔得呀？哈哈家先發現原來最好係董伯伯。我唔投唐英年同梁振英因為兩個我都唔清楚佢哋嘅政綱。如果你要我投票，我會投畀葉劉淑儀，因為我 識佢同埋佢好幽默，作為政客我覺得最重要係有幽默感，唔係又蠢又鈍嗰種。我覺得葉劉嘅幽默感好有英國人嘅幽默感非常好，又蠢又鈍我話邊個大家都知啦，我嗰 篇文章亦早講明，一個又蠢又唔勤力嘅人，一定唔會成功。」
採訪：李森

話你知：特首戰點將錄

特首選舉報名今日截止，曾有不少藝人出面撐唐，可惜唐唐唔生性，接二連三爆出醜聞，民望直插谷底，其星級粉絲者紛紛打退堂鼓。梁營早獲肥媽與秋生支持，聲勢向好，而何俊仁在演藝界似乎關係麻麻，至今仍未有演藝名人支持。

─撐梁振英─
瑪利亞（肥媽）　梁振英讀小學已識肥媽，她亦早表明撐梁。
黃秋生　去年 12月秋生出席活動時已暗示挺梁。
*汪明荃　梁振英出面幫新光續約，阿姐表示他關心粵劇。
林超榮　去年出席梁的參選造勢大會，讚揚他有治港理念。
朱玲玲　去年底偕夫羅康瑞出席梁的參選造勢大會。
蓋鳴輝　蓋鳴輝大讚梁振英幫新光「起死回生」，望選委會投給他。

─撐唐英年─
*羅傑承　博美投資集團主席
*林建岳　麗新集團主席
*馮添枝　國際唱片業協會（香港會）總裁
*吳思遠　導演
*黃百鳴　導演
*洪祖星　影協會長
*周星馳　演員及導演
黎明　歌手及唱片公司老闆

─唐營叛將─
*林小明　寰宇國際集團主席
*李國興　美亞電影公司老闆
*唐慶枝　美亞電影董事
*陳榮美　戲院商會會長

─撐葉劉淑儀─
麥浚龍　曾在 facebook表明舉腳贊成葉劉選特首。
蘇施黃　 07葉劉參加補選，蘇施黃已親身為她落區拉票。

註*為特首選委
張貼者： 於

沒有留言:

張貼留言

訂閱： 張貼留言 (Atom)