何勉君稱，多次與林鄭月娥就何東花園保育商討，但「傾唔埋」，決定暫時停止談判。　謝榮耀攝

 

何東花園業主拒再談保育

2012年03月08日

【本報訊】政府保育山頂何東花園陷入膠着狀態。自今年 1月何東花園暫定古蹟限期屆滿，發展局與業主何勉君就保育方案商討，但仍未達成共識。發展局局長林鄭月娥保育大宅不樂觀，業主也坦言「傾唔埋」，已停止談判，正待行政長官決定。據悉，若未來幾個月政府仍未有回音，不排除業主會「圍板拆樓」。

林鄭月娥承認好難傾

何東花園列為暫定古蹟限期今年 1月 27日屆滿，政府未有刊憲列為法定古蹟，令何東花園不再受到法定保護，業主可拆卸大宅。林鄭月娥昨在立法會財務委員會特別會議上表示，近日再與何東花園業主會面，提出新方案，但詳情不便透露。按目前法例，若政府將何東花園列為法定古蹟，而業主申請重建被拒，有權提出索償，又或業主可就列為古蹟的決定提出司法覆核。

她希望可避免漫長的司法程序及動用公帑，但情況並不樂觀，「若果有關物業嘅擁有人係發展商，一定可以傾掂，因為發展商都係計數，但如果由原業主持有，好多時對物業有一定感情會好難傾。」

何東花園業主何勉君昨接受訪問時再次強調，大宅沒保育價值，「間屋已經唔喺原貌，戰後曾經重建，仲改建為六間房出租。」她又透露，林鄭月娥去年至今曾多次「召見」她商討保育方案，「喺佢辦公室傾咗好多次，七次、八次到，但都冇結論，傾唔埋，我唔接受局長嘅方案，我想拆主樓起十間獨立屋，其中一間屋我住。」

 

何勉君等待特首決定

據悉，政府曾向業主提出多個新方案，包括仿傚灣仔街市的保育模式，保留大宅外牆，並在原址上興建樓層，但遭業主拒絕。何勉君指不便透露政府曾提出的方案，但形容灣仔街市保育方式不倫不類、古靈精怪。

一旦大宅被列為法定古蹟，會否採取法律行動，何勉君指現階段考慮「打官司」仍言之尚早，希望行政長官盡快決定，「等行政長官決定我嘅呈請申請，好想快啲有消息。」

僭建風波 查唐宮將傳召 40人

屋宇署正調查唐家約道 7號大宅僭建地庫事件，將與約 40名證人會面。資料圖片

 

僭建風波　查唐宮將傳召 40人
林鄭：唔係補錢可以搞掂

2012年03月08日

僭建攬上身　冇咁易甩身

屋宇署已就特首候選人唐英年九龍塘約道豪宅僭建「地下唐宮」事件展開深入調查，並會約見多達 40人搜證，包括身為業主的唐太郭妤淺、承建商、當年參與工程的建築工人等。發展局長林鄭月娥表示：「事件唔係補錢可以搞掂。」

「現拆除或令證據消失」

林鄭月娥昨在立法會財務委員會特別會議上表示，屋宇署會以開誠報公的態度處理唐英年僭建事件，並要業主把僭建的地庫清拆還原，業主聘請的認可人士已提交工作計劃，屋宇署正在研究，其中一個考慮是如現階段拆除地庫，可能令證據消失。

林鄭月娥又表示，對於有專業人士指有人在興建大宅時提交假圖則，屋宇署正主動調查，並會傳召 40名證人面談，包括業主、認可人士、註冊承建商及有份參與施工的建築工人等。屋宇署人員亦會研究是否可以從大宅的構建物搜集環境證據。

由於調查需時，短期內不能有結果，但是過程會盡量向公眾交代。林鄭月娥又確認：「事件唔係補錢可以搞掂。」

根據《建築物條例》，未經屋宇署批准便展開建築工程，最高刑罰為監禁兩年及罰款 40萬元。

另外，為唐宮僭建醜聞一力承擔責任的唐太郭妤淺昨接受電台訪問時表示，對於僭建的事，她非常後悔自己貪心，整件事是由她做出來的，她再向市民和選委道歉。她又指出，原本想為丈夫做一個避風塘，卻變成戰場，感到很難過。
《蘋果》記者

當日相關文章

• 上一則：國際視野　外國政客出軌　老婆各有表態
• 下一則：意見多多　何柱國「偉論」　「品格分公私」踩狼護豬

妻聲淚俱下為夫說好話

 

郭妤淺接受電台訪問時護夫情切，大讚唐英年是好丈夫、好父親，更一度講到眼紅紅。

妻聲淚俱下為夫說好話
荒唐伯父三擺老婆上枱

2012年03月08日

 

【本報訊】從笑着回應丈夫的感情缺失，到哭着承擔僭建責任，唐英年太太郭妤淺昨天第三度為夫「拆彈」，並以丈夫「一時軟弱」、「感情豐富」來回應私生子醜聞。她在大氣電波流着淚說，丈夫即使曾經出軌，如今「浪子回頭」已經足夠，「最偉大嘅愛就係原諒」。時事評論員批評，唐英年繼續龜縮，三度擺老婆上枱。記者：白琳

至愛檔案：自以為幸福的豬嫂

面對醜聞「日日新鮮日日新」的丈夫，唐太昨日接受商台訪問時，矢言不會因私生子醜聞而放棄這段婚姻，要履行同甘共苦的承諾，「一個人浪子回頭好緊要，佢唔係完美。佢係一個好善良嘅人，佢做呢啲事係佢一時蠢啦，但係佢真係冇惡意」。她認為唐英年是 99分的父親、 90分的丈夫，「我做人都幾有判斷力，叫我由頭嚟過，我都會嫁畀唐英年」。

 

幾多次婚外情「唔好數」

搞婚外情兼有私生子的唐英年，昨出席導演協會座談會拉票。馬泉崇攝

當被主持人問及丈夫婚外情的次數時，唐太顯得有點錯愕，「次數都唔好數，或者我疏忽咗佢。佢一時間軟弱，我會明白嘅。佢係一個感情好豐富嘅人，呢幾十年係有行出過軌道，不過永遠都返嚟。我知道佢係終身愛我，已經好足夠」。

說到支持者對他們不離不棄，唐太即泣不成聲，「雖然咁多人挑剔你、鬧你，但係好多朋友同事都話，加油唔好放棄，唐生係最好。我知道邊啲係真朋友」。對於提名唐英年的選委陸續轉軚，唐太稱不熟政治，但認為丈夫很有胸襟，「人係有選擇，睇佢自己判斷力。我唐太永遠都支持我先生，就算佢話佢有幾多缺失，我覺得佢最有理想、最有包容、最有遠見去幫香港。佢唔係最叻，但係最有胸襟，唔會搞分裂，唔喺人哋背後講壞話，佢係一個君子」。

唐太又否認僭建一事被丈夫擺上枱，「唐生想保護我，一開始越講越亂。佢咁愛我而保護我，我好難過」。她再次公開道歉，希望公眾原諒，又認為丈夫很無辜，「每個屋企係避風塘，畀佢返嚟休息。點知避風塘變咗戰場，我好難過，非常後悔。有時坐喺度諗，點解自己咁貪心呢？」

塗脂抹粉無助挽回民望

唐英年昨出席論壇後，被問到報章刊登的私生女照片是否屬實時拒絕評論，「我講過好多次，我係唔會再進一步補充我以前講過嘅說話，因為牽涉第三者，係會影響第三者生活，我唔想再畀外界進一步影響佢哋」。被問到稍後會否公開私生子女身份，以釋除公眾對利益衝突的疑慮，唐英年自稱一向以公開、公平、公正的原則施政，並會繼續以此原則做事。

時事評論員劉銳紹指出，唐太無論是否按「劇本需要」開腔護唐，客觀效果只會令公眾認為唐英年第三次擺老婆上枱，「唐太唔可以呢個時候棄唐而去，或者覺得有需要企出嚟講幾句，雖然佢好值得大家同情，但係呢個局面都係唐英年一手造成」。他又指，唐英年一直對私生子問題閃縮，不敢面對現實，加上僭建風暴，支持者只剩下基本擁躉，「公眾認為佢唔想影響第三者只係為咗遮醜，家民望低到冇得再低，唐太幫佢塗脂抹粉，起唔到任何作用」。

當日相關文章

• 上一則：何家二房四房　鬥到特首選舉
• 下一則：特稿　「講嘢好過老公一百倍」